जेष्ठ २,वालिङ । स्याङ्जाको कालीगण्डकी गाउँपालिकामा मतगणना सकिएको छ ।
एमालेबाट गाउँपालिका अध्यक्ष पदका उम्मेद्वार खिम बहादुर थापा विजयी भएका छन् । उनले नेपाली काँग्रेसका माया रानालाई १हजार ६ सय ४५ मतको भारी अन्तरले पराजित गरेका हुन् । थापाले ६ हजार ७ सय मत प्राप्त गरेका छन् । उनका प्रतिद्वन्दी माया रानाले ५ हजार ५५ मत पाएकी हुन् ।
त्यस्तै गाउँपालिकाको उपाध्यक्षमा नेकपा एमालेकै सावित्रा कोइराला विजयी बनेकी छन् । उनले गठबन्धनका बोम बहादुर लामिछानेलाई १३ सय ९३ मतको फराकिलो मतान्तरले पछाडि पार्दै विजयी भएकी हुन् ।
एमालेकी कोइरालाले ६ हजार २ सय २३ मत प्राप्त गरेकी गिइन भने उनकी निकटतम प्रतिद्वन्दी लामिछानेले ४ हजार ८ सय ३० मत प्राप्त गरेका छन् ।
कालीगण्डकी गाउँपालिकामा एमालेले ३ वटा वडामा जीत हासिल गरेको छ । गाउँपालिकाको वडा नं. १,३ र ,६ गरी चारवटा वडाहरुमा एमालेबाट वडा अध्यक्षपदका उम्मेद्वारहरुले विजयी हासिल गरेका छन् भने वडा नं.२,४, ५र ७ मा गठबन्धनले जीतेको छ ।
कालीगण्डकी गाउँपालिकामा १७ हजार ९ सय ३८ मतदातामध्ये १२ हजार २ सय ७१ मतदाताले मतदान गरेका थिए ।
