२० जेठ,वालिङ ।स्याङ्जाको वालिङ नगरपालिकाका प्रमुख कृष्ण खाँडले जन प्रतिनिधीहरु शासन गर्नका लागि होइन, सेवा गर्नका लागि जनताले चुनेको बताउनु भएको छ । वालिङ हस्पिटल प्रा. लि.द्वारा शुक्रबार आयोजित नवनिर्वाचित जनप्रतिनिधीलाई स्वागत तथा सम्मान कार्यक्रममा सम्वोधन गर्दै नगर प्रमुख खाँडले जन प्रतिनिधीहरु शासन गर्न नभएर, सेवाका लागि जनताले चुनेको बताउनु भएको हो । उहाँले जनताहरु मालिक र जन प्रतिनिधीहरुले सेवा गर्ने भरिया हौं भन्ने सोंच राख्नुपर्ने व्यक्त गर्नुभयो । विचार, सोंच र व्यवहारमा स्वस्थ रहनका लागि हामीले आँफ्नो स्वास्थ्यमा पनि उत्तिकै ध्यान दिनुपर्ने प्रमुख खाँडले उल्लेख गर्नुभयो ।
नगरप्रमुख खाँडले भन्नुभयो “हामी जुनसुकै पार्टीबाट उम्मेदवारी दिएर चुनिएका भएपनि नगरवासीको साझा सेवक भएर काम गर्नुपर्छ । यसका साथै व्यक्तिगत जीवन र पार्टीभन्दा माथि उठेर सेवामा लाग्नुपर्छ, नवनिर्वाचित साथीहरुलाई सेवककारुपमा काम गर्न आग्रह गर्दछु ” ।
कार्यक्रममा गह«ौं प्राथमिक अस्पताल वालिङका प्रमुख डा. विनोद पौडेल, ९ नम्वर वडा अध्यक्ष अमृत श्रेष्ठ, ११ नं. वडा अध्यक्ष डण्डु पँगेनी लगायतले निजी लगानीमा हस्पिटल सञ्चालनमा ल्याएर स्वास्थ्य सेवामा पु¥याएको योगदानको प्रशंसा गर्दै थप सेवा विस्तारका लागि सहयोग गर्ने प्रतिवद्धता व्यक्त गरेका थिए ।
कार्यक्रममा वालिङ नगरपालिकाका प्रमुख तथा उप प्रमुखसँगै १४ वटै वडाका अध्यक्षहरुलाई स्वागत, सम्मानका साथै बधाई ज्ञापन गरिएको थियो ।
२०७५ सालदेखि ३ करोडको लगानीमा सञ्चालनमा ल्याइएको वालिङ हस्पिटलमा ९७ जना शेयर सदस्य रहेका छन् ।
हस्पिटल व्यवस्थापन समितिका अध्यक्ष शोभाकान्त पौडेलको अध्यक्षतामा भएको कार्यक्रम शेयर सदस्य हेमप्रसाद गैह«ेको स्वागत र प्रचार प्रसार संयोजक ताराप्रसाद श्रेष्ठले सञ्चालन गर्नुभएको थियो ।
