मंसिर ३०, काठमाण्डौ । नेपाली कांग्रेसका सभापति शेर बहादुर देउवाले सरकारले ल्याएको अध्यादेश अलोकतान्त्रिक भएको बताउनु भएको छ ।
मंगलबार सरकारले संवैधानिक परिषदको बैठक प्रधानमन्त्रीसहित ३ जनाको उपस्थितिमा गर्न सक्ने गरी अध्यादेश जारी गरेपछि सभापति देउवाले संसद अधिवेशन छलेर संवैधानिक परिषद् सम्बन्धि अध्यादेश ल्याउनु अलोकतान्त्रिक रहेको बताउनु भएको हो ।
उहाले फेसबुकमा स्टासट लेख्दै उपसभामुख पद खाली राखेर सभामुखलाई समेत विश्वास नगरी कोरम पुगेन भन्नू हास्यास्पद रहेका भन्दै नेपाली कांग्रेसको प्रष्ट विमती रहेको बताउनु भएको छ ।
संवैधानिक परिषद (काम, कर्तव्य, अधिकार र कार्यविधि) अध्यादेश २०७७ जारी गरी संवैधानिक परिषदसम्बन्धी ऐनको दफा ६ को उपदफा ३ संशोधन गरी सरकारले अध्यक्षसहित तत्काल बहाल रहेका बहुमत सदस्य उपस्थित भएमा परिषदको बैठकको लागि गणपूरक संख्या पुगेको मानिने व्यवस्था गरेको हो ।
