कात्तिक १३, स्याङ्जा । नेपाली कांग्रेस वालिङ नगर समितिलाई वडा कार्य समतिले बधाई तथा शुभकामना व्यक्त गरेको छ । नेपाली कांग्रेस वडा कार्य समिति वालिङ ५ ले नव निर्वाचित नगर समितिलाई बधाई तथा शुभकामना व्यक्त गरेको हो ।
सनिबार जगतमा कार्यक्रम गरी बधाई तथा शुभकामना व्यक्त गरेको वडा कार्य समितिका सभापति छवि आलेले जानकारी दिनुभयो ।
नव निर्वाचित समितिलाई बधाई तथा शुभकामना सहित आगमी दिनमा नेपाली कांग्रेसको भावि योजनालाई संस्थागत रुपमा विकास गर्न सुझाब समेत दिएको वडा सभापति आलेले जानकारी दिनुभयो ।
कार्यक्रममा नेपाली कांग्रेस वालिङ नगर समितिका सभापति नेत्र पाण्डले आफु लगाया नेपाली कांग्रेसलाई जिताउन सहयोग गर्ने सबैलाई धन्यवाद दिनु भएको थियो । साथै उहाँले आगामी दिनमा कांग्रेसलाई थप बलियो बनाएर लैजाने बताउनु भयो ।
कार्यक्रममा प्रमुख अतिथि एंव वालिङ नगरपालिका नगर प्रमुख दिलिप प्रताप खाँणले नव निर्वाचित समितिलाई बधाई दिदै आगामी अधिवेशनमा मिलेर अगाडी बढ्न आग्रह गर्नु भयो । साथै उहाँले पार्टीको आगामी अधिवेशनमा आफुलाई राम्रो लागेको नेतृत्वलाई भोट गरी नयाँ चयन गर्न आग्रह गर्नु भएको छ ।
साथै कार्यक्रममा नगर उप-प्रमुख कल्पना तिवारीले पार्टीलाई सुध्रिड गराउन एक ढिक्का भएर अगाडी बढ्न जोड दिनुभयो ।
