भदौ २९, स्याङजा ।  जिल्ला ट्राफिक प्रहरी कार्यालय स्याङजाले स्याङजाका सवारी चालकहरुलाई नमस्कारको अभियान शुरु गरेको छ । नमस्कारको अभियान ट्राफिक प्रहरीको पहिचान भन्ने मुल उद्देश्यका साथ ट्राफिक कार्यालय स्याङजाले यो अभियान शुरु गरेको हो । 
स्याङ्जालाई दुर्घटना रहित जिल्ला बनाउने उद्देश्यले चालक वर्गलाई नमस्कारको अभियान शुरु गरिएको जिल्ला ट्राफिक प्रहरी कार्यालयका प्रमुख प्रहरी नायव निरिक्षक कर्मबहादुर चुनाराले जानकारी दिए । सई चुनाराले चालक वर्गहरुलाई व्यवहारमा सम्मान र कारबाहिमा कडा गर्दै आईरहेको बताए । 

सडकमा हुने सवारी दुर्घटनालाई कम गर्न जिल्ला ट्राफिक प्रहरी कार्यालयले पुतलीबजार नगरपालिका–४ रामकोषमा र ११–करेण्डाडामा सचेतना बोर्ड राखेको छ ।