नेपाल यातायात व्यवसायी राष्ट्रिय महासंघले देशभर चल्ने छोटा, मध्यम र लामा दुरीका सवारीसाधन ठप्प पारेपछि त्यसको सोझो मार सर्वसाधारणलाई परेको छ । अस्पताल हिँडेका, विद्यार्थी र ज्यालामजदुरी गरेर छाक टार्नेहरु बन्दको बढी मारमा परेका छन् । गण्डकी प्रदेश सरकारले राइड सेयरिङसम्बन्धी नियमावली ल्याएपछि त्यसको विरोधमा सार्वजनिक यातायात व्यवसायीहरु आन्दोलित बनेका छन् । गण्डकी प्रदेशमा त चार दिनदेखि सार्वजनिक यातायात ठप्प छन् ।