पौष ९, वालिङ। वालिङ जेसीजको १८ औँ साधारण सभा तथा १७ औँ शाखा अधिवेशनले वर्ष सन २०२१ को लागी नयाँ कार्यसमिति चयन गरेको छ । बिश्वास लम्सालको अध्यक्षतामा वर्ष २०२१ को लागी कार्यसमिति चयन गरेको हो । लम्साल सहितको टिम सर्वसम्मत चयन हुनु भएको हो ।
नवनिर्वाचित समितिको कार्यकारिणी उपाध्यक्षमा मणि प्रसाद अर्याल र चुत्र बहादुर महत रहनुभएको छ ।
त्यस्तै उपाध्यक्षहरुमा निर्भीक नारायण भूर्तेल, गणेश राउत, रोनिश श्रेष्ठ र भानुभक्त आचार्य चयन हुनु भएको छ ।
कार्यक्रमको उद्घाटन गर्दै वालिङ जेसीजका संस्थापक तथा सल्लाहकार धुर्ब शर्मा पंगेनीले जुझारु युवाहरुको समुह जेसिज भएको भन्दै जेसिजले विगतका समयदेखि नै वालिङमा सकरात्मक र रचनात्मक कार्यहरु गर्दै आईरहेको बताउनुभयो ।
समग्र युवाहरुलाई सहित मार्ग दर्शन गर्नु, युवालाई देश विकासमा जोड्दै विकास निर्माणका काममा समेत जेसिजले महत्वपुर्ण भुमिका निर्वाह गरेको सल्लाहकार पंगेनीले बताउनुभयो ।
