३० चैत्र ,जोमसोम ।
कृषी तथा पशुपंक्षी विकास मन्त्री पद्मा कुमारी अर्यालले सरकारले उच्च प्रविधिको स्याउ नर्सरी सुरु गर्ने बताउनुभएको छ ।
सोमबार मुस्ताङको सदरमुकाम जोमसोममा स्याउको विरुवा वितरण कार्यक्रममा मन्त्री अर्यालले सरकारले उच्च प्रविधिको स्याउ नर्सरी सुरु गर्न योजना बनाएर अगाडी बढेको बताउनुभयो ।
कार्यक्रममा किसानहरुले विदेशी विरुवा भन्दा सरकार आफैले देशमा नै उत्पादन गर्न सुझाव दिएका थिए ।
उहाँले यो आर्थिक वर्षमा बजेट विनियोजन गरेर काम गर्ने भएकाले किसानहरुलाई विश्वस्त भएर काम गर्न आग्रह गर्नु भयो । ‘हामीले नर्सरी मात्र होईन उत्पादन भएको स्याउको बजारीकरणको पनि व्यवस्था गर्नेछौँ’ मन्त्री अर्यालले भन्नुभयो ‘त्यसैले तपाईहरुले निर्धक्क भएर स्याउ उत्पादनमा जोड दिनुहोला’ ।
कार्यक्रममा किसानहरुलाई गोल्डेन डेलिसियस, रेड डेलिसियस, फुजि, जोनाप्रिन्स, र गाला जातका उच्च घनत्व स्याउको बिरुवा वितरण गरिएको स्याउ ज़ोनका प्रमुख सुधिर थापाले जानाकी दिनुभयो। ९ हजार २ सय ३० वटा उच्च घनत्व स्याउका विरुवा विभिन्न फ़र्म, सहकारी, र समुहलाई वितरण गरिएको छ ।
