चैत्र ३०, जोमसोम ।
कृषी तथा पशुपंक्षी विकास मन्त्री पद्मा कुमारी अर्यालले सरकारले जनता र देशलाई नोक्सान हुने काम गरेको भए देखाउन चुनौति दिनु भएको छ ।
मुस्ताङको जोमसोममा राष्ट्रिय युवा संघ नेपालले आयोजना गरेको बिस्तारीत बैठकलाई सम्बोधन गर्दै मन्त्री अर्यालले अहिले सम्म देश र जानताको लागि काम गर्दै आएको सरकारले कुनै नोक्सान हुने काम नगरेको बताउनुभयो ।
सरकारले अहिले सम्म कसरी हुन्छ देशलाई समृद्ध बनाउन काम गरिरहेको छ मन्त्री अर्यालले भन्नु भयो "सरकारले नोक्सान हुने काम गरेको छैन । यदी कोही कसैलाई देश र जनताको लागि नोक्सान हुने एउटा पनि काम यो सरकारले गरेको लाग्छ भने देखाउन म चुनौति दिन चाहान्छु ।"
सरकारको सफलतामा आफ्नो भबिश्य नदेख्नेहरुले सरकार गिराउने खेल खेलिरहेको उल्लेख गर्दै मन्त्री अर्यालले युवाहरु कहि कतै अलमल नपरी अगाडी बढ्न आग्रह गर्नुभयो ।
मन्त्री अर्यालले अहिलेको सरकारले चीनको सिमानाका देखी भारतसम्म जोड्ने कालिगण्डकी कोरीडोरको काम तिव्र रुपमा गरेको समेत उल्लेख गर्नुभयो ।
देश समृद्ध बन्न केही समय लागेपनि समृद्ध नेपाल बनाएरै देखाउने मन्त्री अर्यालले उल्लेख गर्नुभयो । उहाँले आफुहरुले बोलेर मात्र नभई व्यवहारमा समेत देखिने गरी काम गरेको बताउनुभयो ।
