पैयुँ, वालिङ, दुई दशकदेखि पत्रकारिता क्षेत्रमा क्रियाशिल स्याङ्जाका पत्रकार हिमलाल पराजुली सम्मानित भएका छन । ढोरपाटन दैनिकको १८औँ वार्षिकोत्सवका अवसरमा सोमबार पोखरामा आयोजित कार्यक्रममा पराजुली सम्मानित भएका हुन ।
गण्डकी प्रदेशका मुख्यमन्त्री पृथ्वीसुब्बा गुरुङले पत्रकार पराजुलीलाई सम्मानपत्र र १५ हजार नगदले सम्मान गरेका थिए । पत्रकार पराजुली दुई दशकदेखि स्याङ्जामा रहेर पत्रकारीता गर्दै आएका छन ।
पराजुलीले अहिले रासस स्याङ्जा संवादाता, जनता टेलिभिजन र ढोरपाटन दैनिकमा काम गर्दै आएका छन ।
प्रेस चौतारीका पुर्व अध्यक्ष समेत रहेका पराजुली प्रेस संगठनको गण्डकी प्रदेश सदस्य समेत हुन ।
सम्मानले पत्रकारिता क्षेत्रलाई थप शसक्त बनाउन प्रेरित गरेको पराजुलीले बताउनुभयो ।
