वैशाख ७,चापाकोट । नेकपा एमाले चापाकोट नगर कमिटीले सामाजिक संजाल प्रयोग र लेखन शैली सम्वन्धी एकदिने प्रशिक्षण कार्यक्रम सम्पन्न गरेको छ । नगरभित्र को १० वटै वडाका करिव एक सय युवाहरुलाई प्रशिक्षण गराइएको नेकपा एमाले चापाकोट नगर कमिटीका अध्यक्ष राजु कोइरालाले बताउनसभयो ।
कार्यक्रममा नेकपा एमाले प्रदेश कमिटी सचिवालय सदस्य सरस्वती भट्टराईले पछिल्लो समय सामाजिक संजालको दुरूपयोग बढेको बताउनुभयो । व्यक्तिको मनगढन्ते र तथ्यहिन विषयबस्तुले समाजमा नकारात्मक असर पारेको भट्टराईको भनाई थियो ।
सामाजिक सञ्जालमा व्यक्तिगत आरोप लगाउने र नभएका विषयबस्तु हावी गराउने प्रवृत्ति बढ्दै गएको उहाँको भनाई थियो ।उक्त कार्यक्रमको सहजीकरण प्रेस चौतारी नेपाल स्याङ्जा जिल्लाका अध्यक्ष सुशील सुवेदीले र साइवर सर्कलका जिल्ला संयोजक राजु काफ्लेले गरेका थिए ।
यस्तै दिपक बस्यालको संयोजकत्वमा १३ सदस्यिय साइवर सर्कल चापाकोट कमिटी गठन गरिएको छ ।
युवा संघ नेपाल चापाकोट नगरका अध्यक्ष चन्द्र खाम्चाको अध्यक्षतामा भएको कार्यक्रमनेकपा एमाले चापाकोटनगर कमिटि सचिव राजु भट्टराईले संचालन गरेका थिए ।
