श्रावण ७, पर्वत । विपद व्यवस्थापनको लागि पर्वतको पैयुमा द्रुत प्रतिकार्य टोली गठन भएको छ । प्राकृतिक प्रकोप तथा विपदजन्यपरिस्थितिमा उद्धार,सहयोग लगायतका कार्य सम्पन्नताको लागि
(वडा स्तरिय विपद व्यवस्थापन समिति) Rapid Response Team (RRT) द्रुत प्रतिकार्य टोली गठन गरिएको हो ।
वर्षायाम लागेसङ्गै प्राकृतिक प्रकोपको जोखिम बढ्ने भएकोले द्रुत प्रतिकार्य टोलिको गठन गरिएको पैयु गाउँपालिका वडा नम्बरपाँचका वडा अध्यक्ष निर्भीक नारायण भुर्तेलले बताउनु भयो ।
पहाडी क्षेत्रमा वर्षायाममा पहिरोको जोखिम र हिउदमा आगलागी जस्ता विपद बढी हुने भएकोले प्रकोपको जोखिम न्युनिकरणको लागिसचेतना,उद्धारका कार्य लगायतको कामको लागि टोली गठन गरिएको अध्यक्ष भुर्तेलले जानकारी दिनुभयो ।
उक्त टोलीले पैयूँ पाँच भित्र पर्ने हरेक किसिमका विपदमा सुरक्षा निकायसंग सहकार्य गरी काम गर्ने छ । पैयूँ पाँचबाट सुरु गरिएको योअभियान गाउँपालिका स्तरिय बनाउन समेत छलफल भईरहेको अध्यक्ष भुर्तेलले बताउनु भयो ।
साथै प्रहरी र शसत्र प्रहरीसंग समन्वय गरी जोखिम न्यूनीकरण तथा उद्दारका कार्यका लागि तालिम प्रदान गर्ने वडाले जनाएको छ ।
टोलि गठन गर्नु पूर्व ईलाका प्रहरीकार्यालय हुवासका प्रमुख प्रहरि निरीक्षक खगेन्द्र अधिकारीले यसबारे प्रशिक्षण दिनु भएको थियो ।
