श्रावण १२, पर्वत । पर्वतको विहादी गाउँपालिकाका उपाध्यक्ष मिना तिवारी नागरिकका समस्या र गुनासा बुझ्न टोलटोलमा पुग्नु भएको छ ।
निर्वाचन जिते पछि उपाध्यक्ष तिवारीले आफुले गरेका प्रतिबद्धता एंव योजना अनुसार टोलटोलमा पुगेर सबै नागरिकसंग भेटघाट गर्ने र गुनासो बुझ्ने गर्नु भएको छ।
टोलटोलमा पुग्दा तिवारीलाई नागरिकले कृषिमा आत्मनिर्भर गराउन, महिलालाई सिप तथा तालिम दिन, सड़क स्तरोन्नती गर्न, स्वरोजगार गराउने लगायतका समस्या र गुनासा राखेको जानकारी दिनुभयो।
उहाँले यो अभियानलाई निरन्तरता दिदै आगामी दिनहरुमा नागरिकका हरेक समस्यालाई समाधान गर्न पालिकाबाट पहल गरिने बताउनु भयो ।
