भदौ २९, पर्वत । पर्वतको पैयूँमा बाल दिवश मनाईएको छ । ५८ औँ राष्ट्रिय बालदिवशको अवसरको अवसरमा पैयूँ ५ मा अवस्थित क्यामुने माविले बाल दिवश मनाएको हो । बालदिवशको अवसर पारेर विद्यालयले वक्तृत्व कला एंव छात्रा वृत्ति वितरण गरेको छ । 

“बालमैत्री समाजको आधारः जिम्मेवार परिवार, उत्तरदायी सरकार” भन्ने नाराका साथ वक्तृत्व कला प्रतियोगिता गरिएको हो । प्रतियोगितामा कक्षा १० कि छात्रा अनिषा न्यौपाने प्रथम भएकी छन ।

त्यसै गरी कक्षा १० कै कुशल न्यौपाने द्वितीय, कक्षा ९ की प्रिती आले तृतीय र सान्तोना कक्षा ५ की खुसी तिवारी सान्तोना भएकी छन । 
सोही अवसरमा विद्यालयले जेहेन्दार, गरिब, दलित र अपाङ्गता भएका गरि ४६ जना विद्यार्थीहरुलाई छात्रवृत्ति समेत वितरण गरेको छ । यता वडा नम्ब। ५ को देउराली आधारभूत विद्यालयले समेत वाल दिवश मनाएको छ ।