पुस १९, पर्वत । पर्वतको पैयूँमा निशुल्क आँखा शिविर संचालन हुने भएको छ । यहि पुस २३ गते देखी २५ गते सम्म पैयूँ गाउँपालिकामा शल्यक्रिया सहितको निशुल्क आँखा शिविर संचालन हुने भएको हो ।
पैयूँ गाउँपालिका र रोटरी कल्ब अफ पोखरा फिल्टेल, इन्नोभेटिव कम्युनिटि अर्गनाईजेसन क्यानडाको आयोजनामा र हिमालयन आँखाअस्पताल पोखराको प्राविधिक सहयोगमा निशुल्क आँखा शिविर ३ दिन सम्म संचालन हुने पैयूँ गाउँपालिकाका अध्यक्ष तोरण मल्लठकुरीले जानकारी दिनु भयो ।
शिविरमा मोती विन्दु भएका नागरिकको निःशुल्क शल्यक्रिया समेत गरिने भएकाले पैयूँ बासी सबै नागरिकलाई यो अवसरको लाभलिन अध्यक्ष मल्लले अनुरोध गर्नु भएको छ ।
शिविर हुवास बहुमुखी क्याम्पसमा पैयूँ ४ मा हुने गाउँपालिकाले जनाएको छ ।
