असार १५, स्याङ्जा । जन्मदिनको अवसरमा समाज सेवी निर्मल पाण्डेले पैयूँको जोखिम वस्ती स्थानान्तरणको लागि आर्थिक सहयोग प्रदान गर्नुभएको छ । पाण्डेले जन्मोत्सवको अवसरमा पर्वतको पैयूँ गाउँपालिका वडा नम्बर ५ मा रहेको जोखिम वस्ती स्थानान्तरण गरी सुरक्षितआवास निर्माणको लागि आर्थिक सहयोग गर्नु भएको हो ।
उहाँले जोखिम वस्ती स्थानान्तरण गरी सुरक्षित बस्ती निर्माणको लागि द निर्भीक फाउण्डेशनलाई दश हजार रुपैयाँ (१०,०००/–) रुपैयाँ आर्थिक सहयोग गर्नु भएको हो ।
पैयूँ गाउँपालिका वडा नम्बर ५ भुर्तेलथोक आरुगैह्रामा अवस्थित दलित वस्ति पहिरोको उच्च जोखिमा रहेको र केही परिवार पहिरोको कारण बिस्तापित भएका कारण वस्ती स्थानान्तरण गरी सुरक्षित बस्ती निर्माण गर्न “द निर्भीक फाउण्डेशन”ले सुरक्षित ठाउँमा आवासनिर्माणको काम सुरु गरेको छ । फाउण्डेशनले ३ घर निर्माण कार्य सम्पन्न गरी सकेको छ ।
सहयोगी मनका धनी पाण्डे बाबा टिकाराम पाण्डे र आमा टिमा पाण्डेका छोरा हुनुहुन्छ । हाल उहाँ कोरियामा कार्यरत हुनुहुन्छ ।
उहाँले जोखिम बस्तीलाई द निर्भीक फाउन्डेशले सुरक्षित ठाउँमा बस्ती बनाई स्थानान्तरण लागेको कामलाई सहयोग गरेर गरीब दुखीले राम्रो बास पाउने र अकालमा ज्यान गुमाउन नपारोस भन्ने उद्देश्यले सहयोग गरेको बताउनु भयो ।
पाण्डेले आफ्नो जन्मदिन सधै दीन दुःखीलाई सहयोग गरेर नै मनाउने गरेको बताउनु भयो ।
