रुपन्देही । पर्वत रुपन्देही सेवा समाज बुटवल नगर समितिकोअध्यक्षमा उषा प्रधान श्रेष्ठ चयन हुनुभएको छ । सोमबार भएको समाजको तेस्रो साधारण सभाले श्रेष्ठको अध्यक्षतामा १७ सदस्यीय समिति गठन गरेको हो ।
समाजको उपाध्यक्षमा जया पौडेल,शालिकराम भट्टराई, सचिव कृष्ण भुसाल र कोषाध्यक्ष तोलाकान्त सुनार चयन हुनु भएको छ । साथै सदस्यहरुमा जुना भुसाल,टोपला न्यौपाने भट्टराई, लक्ष्मि तिवारी भुसाल,दिपक पौडेल,जीवन वरूवाल क्षेत्री,तारापति भट्टराई ,सीता श्रेष्ठ र चित्र प्रसाद सापकोटा रहेका छन ।
एकता,भाईचारा र वन्धुत्वको भावना,पर्वत- रूपन्देही सेवा समाजको पवित्र चाहना भन्ने मूल नाराकासाथ स्थापित समाजले विभिन्न समयमा सामाजिक कामहरु गर्दै आएको छ । कार्यक्रममा समाजका आजिवन सदस्यहरु र एसइइमा उत्कृष्ट नम्बर ल्याएर पास हुने विद्यार्थीहरुलाई सम्मान र पुरस्कृत गरिएको थियो ।
