भदौ २१, पैयुँ । पर्वतको पैयुँ गाउँपालिकामा रहेको इलाका प्रशासन कार्यालय हुवासले भिन्न क्षमता भएका व्यक्तिलाई घरमै गएर नागरिकता वितरण गरेको छ । पैयुँ गाउँपालिका वडा नम्बर ४ बेसिथोक निवासी २२ वर्षकी ख्याम कुमारी विकलाई इलाका प्रशासन कार्यालय हुवासका प्रमुख रविन्द्र पौडेलले घरमै गएर नागरिकता वितरण गरेका हुन ।
२२ वर्ष सम्म पनि नागरीकता नबनाएको र नागरिकता नभएकै कारण सामाजिक सुरक्षा भत्ता बैंक मार्फत पाउन कठिन भएको भन्ने खबर पाएपछि उनको नागरिकता बनाएर घरमै गएर वितरण गरेको प्रमुख पौडेलले जानकारी दिए ।
"पैयुँ पोष्टसंग कुरा गर्दै पौडेलले पूर्ण रुपमा अशक्त रहेका नागरीक नागरिकता बनाउनको लागि आफै वडामा गएर सिफारिस लिनु पर्ने र त्यसपछि इलाका प्रशासन आएर नागरीकता बनाउनु पर्ने बाध्यता नहोस भनेर नै हामीले उहाँको नागरिकता घरमै गएर वितरण गरेको बताए ।''
घरमै नागरिकता पाएपछि ख्याम कुमारी निकै खुसी समेत भएकी छन । निजामति सेवा दिवशको अवसरमा घरमै गएर नागरिकता वितरण गर्न पाउदा आफुलाई पनि खुसी लागेको पौडेलले बताए ।
निजामती सेवाको आदर्श र अस्तित्व राज्यसँग प्रत्यक्ष जोडिएको हुन्छ र राज्यले आफ्ना नागरीकलाई आफ्नो उपस्थिती र न्यायमा आधारित प्रशासनको प्रदान गर्न निजामती कर्मचारीहरुको भुमिका अतुलनिय हुन्छ । निजामती सेवाको आदर्श र यस क्षेत्रमा ब्यवहारले सुशाशन र प्रशासन प्रति जनविश्वास रहेने गर्दछ ।
साथै प्रमुख पौडेलले इलाका प्रशासनको कार्यक्षेत्र भित्र रहेका नागरीक कोही पनि पूर्ण रुपमा अशक्त भएर नागरिकता पाउनबाट बञ्चित भएको भए इलाका प्रशासनमा खबर गर्न समेत आग्रह गरेका छन ।
