१३ वैशाख। शिवपुरी राष्ट्रिय निकुञ्जमा डढेलो लागेको छ ।
डढेलो नियन्त्रणका लागि हेलिकप्टररबाट समेत पानी हानिएको छ । तर नियन्त्रणमा नआएको काठमाडौं प्रहरी परिसर, टेकुका एसपी दिनेशराज मैनालीले अनलाइनखबरलाई बताए ।
एसपी मैनालीका अनुसार अहिले साँझ परेकाले हेलिकप्टररबाट पानी हाल्न रोकिएको छ । यसअघि पनि शिवपुरीको जंगलमा आगलागी हुँदा हेलिकप्टररबाट पानी हालिएको थियो ।
टोखामा विष्णुमति नदीको मुहानमा रहेको सामुदायिक वनमा पनि आगलागी भएको थियो । तर प्रहरी र दमकलको सहयोगमा नियन्त्रणमा लिइएको थियो । तीनवटै आगलागीको कारण खुलेको छैन ।
