पौष २८,वालिङ ।जग्गाको वर्गिकरण ढिला हुनु पनि अहिलेको आर्थिक शिथिलता आउनुको कारण रहेको नेपाल सरकारका पूर्व अर्थमन्त्री डा.युवराज खतिवडाले बताउनु भएको छ । स्याङ्जाको वालिङमा विहिबार आयोजित अन्तरक्रिया कार्यक्रममा बोल्दै डा.खतिवडाले जग्गाको वर्गिकरण ढिला हुनु पनि अहिलेको आर्थिक शिथिलता आउनुको कारण रहेको बताउनु भएको हो ।केही समय यता राज्यले जग्गाको वर्गिकरणलाई अगाडि बढाएको छ । खेतियोग्य जमिन पनि आवासीय प्रयोजनमा आउँदा कृषि उत्पादनमा समस्या आउने भएकाले राज्यले जग्गाको वर्गिकरणमा लागेको हो ।
सिद्धार्थ राजमार्ग तथा स्याङ्जा र पाल्पाको संगम राम्दी पुलको स्तरोन्नति हुन नसक्दा पनि यो क्षेत्रको व्यापार व्यावसाय धरासायी हुन पुगेको पूर्व अर्थमन्त्री खतिवडाको भनाई छ ।
वालिङ उद्योग वाणिज्य संघ तथा ऋण उपभोक्ता समस्या सहजिकरण समिति स्याङ्जाद्वारा आयोजित अन्तरक्रिया कार्यक्रममा सहभागीहरुको जिज्ञासाको जवाफ दिदैं डा. खतिवडाले अहिलेको आर्थिक शिथिलताबाट यति धेरै निरास हुनुनपर्ने धारणा राख्नुभयो । उहाँले चल सम्पत्ति सिर्जनाका लागि लिएको कर्जा अचल क्षेत्रमा लगानी गर्नुले पनि आर्थिक समस्या सिर्जना हुन गएको व्यक्त गर्नुभयो । बैंकको हालको व्याजको सन्दर्भमा सुधार ल्याउनुपर्ने देखिएको भन्दै डा.खतिवडाले लगानीमैत्री व्याजदर हुनुपर्ने र २ अंकमा तल्लो तहको व्याजदर हुँदा सहजता आउँछ भन्ने आफूलाई पनि लागेको उल्लेख गर्नुभयो । धेरैबाट ऋण र व्याज तिर्दिन भन्ने आवाज पनि आउने गरेको छ, यसो गर्नु दुबै क्षेत्र खाल्डामा जानु भएको उहाँको भनाई छ । बैंकको मौजुदा व्याजदर घट्नेक्रममा रहन्छ र अस्वाभाविक सेवाशुल्क पनि हटाउनुपर्छ भन्नेमा आँफूलाई पनि लागेको डा. खतिवडाले बताउनुभयो ।
व्यापार व्यावसायमा अन्तरराष्ट्रिय प्रभाव कम र आन्तरिक बढिपर्ने उहाँको भनाई छ । छिमेकि मुलुक भारतीय बजार सुरक्षित गर्नसके राम्रो हुनेसमेत डां खतिवडाले व्यक्त गर्नुभयो ।
समस्यामा परेकाहरुका लागि लिलामी प्रकृया केही लम्व्याएर हुन्छ कि अशुलीको समय लम्व्याउँदा ठीक हुन्छ भन्नेबारे बैंक वित्तीय संस्थाले सोच्नुपर्ने उहाँको भनाई छ ।
केही समयमा समाधानको अवस्था आउँछ,, यति धेरै आत्तिनु पर्ने स्थिति छैन । राज्य छ, गर्छ, गर्नुपर्छ डा खतिवडाले भन्नुभयो ।