पत्रकार मणिप्रसाद अर्याललाई पितृशोक परेको छ । वालिङ टेलिभीजनका प्रबन्धक निर्देशक एवम् वालिङ नगरपालिका प्रेस संयोजक समेत रहनु भएका अर्यालका बुवा भविश्वर अर्यालको ७८ वर्षको उमेरमा शनिबार राति आफ्नै निवास वालिङ ६ मिर्दि चौँडेलीडाँडामा निधन भएको हो ।
स्व. अर्यालको आईतबार रामनदी धाम राम्दीमा हिन्दु संस्कार अनुसार अन्त्यष्टि गरिएको छ ।
स्व. अर्यालका एक छोरा र ४ छोरी रहनुभएको छ । स्वर्गीय अर्याल एकसातादेखि म्यानेन्जाइटिस रोगबाट ग्रसित हुनुभएको पारिवारिक श्रोतले जनाएको छ ।
