जेष्ठ नागरिक दिवसको अवसरमा पर्वतमा जेष्ठ नागरिकलाई सम्मान अभियान सुरु गरिएको छ । पर्वतको पैयूँ गाउँपालिका वडा नम्बर ५ ले वडामा रहेका जेष्ठ नागरिकलाई सम्मान स्वरुप कम्बल वितरण गरेर सम्मान गरेको हो ।
पैयूँ गाउँपालिका वडा नम्बर ५ मा रहेका ६८ बर्ष माथिका २ सय जना जेष्ठ नागरिकलाई वडाले कम्बल दिएर सम्मान गर्ने वडा अध्यक्ष निर्भीक नारायण भुर्तेलले जानकारी दिनुभयो । ज्येष्ठ नागरिकको हक, हित तथा अधिकारको संरक्षण र सम्वर्द्धनका लागि पैयूँ ५ बासी जेष्ठ नागरिक आमा बुबाहरुलाई वडा कार्यालयले सम्मान गरेको अध्यक्ष भुर्तेलले बताउनुभयो ।
ज्येष्ठ नागरिकहरूको ज्ञान, अनुभव, सीप तथा प्रज्ञाको उपयोग गरी राज्य सञ्चालनका महत्वपूर्ण निर्णयहरूमा मार्गदर्शन गर्ने वातावरणको निर्माण गर्न उहाँहरुको सम्मानको लागि कम्बल प्रदान गरिएको अध्यक्ष भुर्तेलले उल्लेख गर्नुभयो ।
सम्मान कार्यक्रममा कार्यपालिका सदस्य,वडा सदस्यहरु लगायतको उपस्थिती थियो ।
