साउन—२४, स्याङ्जा ।
आँधिखोला विद्युत वितरण केन्द्रको महशुल वृद्धि गर्ने भनिएको निर्णय लागु नगर्न नियमन आयोगले अनुरोध गरेको छ । २०८१ वैशाख महिनामा प्रचलित विद्युत महसुल नै कायम गर्नु गराउनु हुन आयोगको मिति २०८१÷०४÷२२ को २४३ औं बैठकको निर्णयानुसार विपिसीलाई पुनरावलोकनको पत्रसहित अनुरोध गरेको हो ।
विद्युत नियमन आयोगले आज एक सूचना जारी गर्दै महसुल कार्यान्वयन नगर्नु नगराउनु हुन अर्थात् मित्ति २०८१ वैशाख महिनामा प्रचलित विद्युत महसुल नै कायम गर्नु गराउनु हुन आयोगको मिति २०८१÷०४÷२२ को २४३ औं बैठकको निर्णयानुसार अनुरोध गरिन्छ पत्रमा भनेको छ ।
विद्युतको महशुल पुनरावलोकन पश्चात कायम हुने महसुल दरबारे सोको निर्णय भएपछि जानकारी गराइने  आयोगले जनाएको छ । विद्युत महशुल वृद्धि अवैज्ञानिक भएको भन्दै उपभोक्ता समूहले आन्दोलन गर्दै आएको थियो ।