असोज १६, वालिङ ।
पर्वतको पैयुँ गाउँपालिकाका किसानहरुले कोदो उत्पादनमा अनुदान पाउने भएका छन् । गाउँ कार्यपालिकाले किसानहरुलाई “कोदो उत्पादन प्रोत्साहन अनुदान” कार्यक्रम अन्तर्गत अनुदान दिने सम्बन्धी आज एक सूचना जारी गरेको छ । आर्थिक वर्ष २०८१÷०८२ को वार्षिक स्वीकृत “कोदो उत्पादन प्रोत्साहन अनुदान” कार्यक्रम अनुसार किसानहरुलाई अनुदानमा सहभागी गराइने भएको हो ।
आजका मितिले ७ दिनभित्र आवेदन दिनका लागि गाउँ कार्यपालिकाले एक सूचना मार्फत किसानहरुलाई जानकारी गराएको हो । “कोदो उत्पादन प्रोत्साहन अनुदान” कार्यक्रममा इच्छुक कृषक÷कृषि फर्म÷कृषक समूह÷कृषि सहकारीले सम्बन्धित वडा कार्यालयमा आवश्यक कागजातसहित निवेदन दिन सूचनामा भनिएको छ ।
निवेदन र स्वघोषणा पत्रको ढाँचा सम्बन्धित वडा कार्यालयमा उपलव्ध हुने पनि पत्रद्वारा जानकारी गराइएको छ ।