असोज २४, स्याङ्जा ।
स्याङ्जाको वालिङमा रहेको ब्रह्माकुमारी ईश्वरीय विश्वविद्यालयले शुभकामना आदान प्रदान एवम् मिलन समारोह गरेको छ । ब्रह्माकुमारी ईश्वरीय विश्वविद्यालयले वालिङ १० स्थित आश्रममा आज विहानी समयमा विजया दशमी २०८१ का अवसरमा शुभकामना आदान प्रदान एवम् मिलन कार्यक्रम आयोजना गरेको हो ।
कार्यक्रममा गण्डकी प्रदेश अर्थ तथा सामाजिक विकास समितिका सभापति एवम् प्रदेश सांसद भोजराज अर्यालले आध्यात्मिक चेतना हामी सबैका लागि अति आवस्यक रहेको बताउनुभयो । गण्डकी प्रदेश अर्थ तथा सामाजिक विकास समितिका सभापति अर्यालले आध्यात्मिक चेतनाले हामीलाई अनुशासित र मर्यादित बनाउनुका साथै मानवीय व्यवहारको विकास गर्ने बताउनुभयो । आँफूले पनि यो आश्रमबाट केही सिक्ने अवसर मिलेको उल्लेख गर्दै उहाँले ब्रह्माकुमारी ईश्वरीय विश्वविद्यालयले धेरै मानिसहरुलाई आध्यात्मिक शिक्षा दिने काममा भूमिका खेलेको व्यक्त गर्नुभयो । उहाँले यो पवित्र संस्थाका लागि आँफ्नो तर्फबाट सधैं साथ र सहयोग रहने प्रतिवद्धतासमेत व्यक्त गर्नुभयो ।
कार्यक्रममा वालिङ नगर क्षेत्रका जन प्रतिनिधि, समाजसेवी, बिभिन्न संघ संस्थामा आवद्ध व्यक्ति, विद्यार्थी, सञ्चारकर्मीलगाएतको उपस्थिति रहेको थियो ।
