२८ माघ, काठमाडौं ।
सञ्चार तथा सूचना प्रविधिमन्त्री पृथ्वीसुब्बा गुरुङले सामाजिक सञ्जालसम्बन्धी विधेयक संसद्बाट पास हुने बताउनु भएको छ ।
संसद् भवन परिसरमा सोमबार सञ्चारकर्मीहरूसँग कुरा गर्दै उहाँले नियन्त्रण र बन्द गर्न नभइ नियमन गर्न ल्याइएको बताउनुभयो ।
‘सामाजिक सञ्जालसम्बन्धी विधेयकमा बन्द गर्ने कुरा गरिएको छैन । नियमन गर्नेकुरा गरिएको छ । नियमन गर्न विधेयक ल्याएको हो । बन्द गर्न, नियन्त्रण गर्न ल्याइएको होइन । संसद्बाट पास हुन्छ,’ उहाँले भन्नुभयो ।
विधेयक संसद्बाट पारित हुने भएकाले निर्णय संसद्ले नै गर्ने उहाँले प्रष्ट पार्नुभयो ।
