जेठ १६, स्याङ्जा ।
स्याङ्जाका दुईजना युवा मोवाईल चोरीको आरोपमा पक्राउ परेका छन् । स्याङ्जा स्थायी ठेगाना भएका र कास्कीको पोखरा डेरागरी बस्दै आएका युवा मोवाईल चोरीको आरोपमा कास्कीको पोखराबाट पक्राउ परेका जिल्ला प्रहरी कार्यालय स्याङ्जाले जानकारी गराएको छ । प्रहरीका अनुसार ती युवाले पुतलीबजार ३ मजुवास्थित चुरीकुमारी मल्लको कोठाबाट विभिन्न कम्पनीका गरी ३ थान मोवाईल चोरी गरेको पाइएको हो । रेड्मी कम्पनीको स्मार्ट मोवाईल १, ओप्पो कम्पनीको स्मार्ट मोवाईल १ र भिभो कम्पनीको १ थानगरी ३ थान मोवाईलसहित ती युवाहरु पोखराबाट पक्राउ गरिको हो ।
मोवाईल चोरीको आरोपमा पक्राउ पर्नेहरु आँधीखोला गाउँपालिका ५ चिलाउनी भाटीका २१ वर्षीय पवन परियार र अर्जुनचौपारी गाउँपालिका ४ का २४ वर्षीय शाहिल गुरुङ रहेका छन् । यी दुवैजना पोखरा ५ मालेपाटनमा डेरा गरी बस्दै आएका थिए । उनीहरुलाई सम्मानित जिल्ला अदालत स्याङ्जामा म्याद थप अनुमति लिई थप अनुसन्धान भैरहेको जिल्ला प्रहरी कार्यालय स्याङ्जाले जनाएको छ ।