स्याङ्जाको गल्याङ नगरपालिका–५, रूपाखानी निवासी स्याम रानाको बाख्राखोरमा बाघले आक्रमण गर्दा १० वटा बाख्रा मरेका छन्।
प्राप्त जानकारीअनुसार, मारिएका १० बाख्रामध्ये ९ वटा घटनास्थलमै मृत अवस्थामा फेला परेका छन् भने एउटा बाख्रा बाघले लगेको स्थानीयले बताएका छन्।
मरेका बाख्रामध्ये ५ वटा माउ बाख्रा, २ वटा खसी, २ वटा पाठा र १ वटा पाठी रहेका छन्।
स्थानीय मूल्याङ्कनअनुसार उक्त घटनाबाट करिब ४ लाख रुपैयाँ बराबरको क्षति भएको बताइएको छ। घटना सम्बन्धमा थप विवरण आउन बाँकी रहेको छ।
