माघ १८, पैयूँ ।  पैयूँको जोखिम वस्ती स्थानान्तरणको लागि विद्यार्थी एंव समाजसेवी  प्रदिप न्यौपानेले आर्थिक सहयोग  प्रदान गर्नु भएको छ । न्यौपानेले  आफ्नो जन्मोत्सवको अवसरमा पर्वतको पैयूँ गाउँपालिका वडा नम्बर ५ मा रहेको जोखिम वस्ती स्थानान्तरण गरी सुरक्षित आवास निर्माणको लागि आर्थिक सहयोग गर्नु भएको हो ।

उहाँले जोखिम वस्ती स्थानान्तरण गरी सुरक्षित आवास निर्माणको लागि द निर्भीक फाउण्डेशनलाई दुई हजार (२०००/-) रुपैयाँ आर्थिक सहयोग गर्नु भएको हो ।

पैयुँ गाउँपालिका वडा नम्बर ५ भुर्तेलथोक आरुगैह्रामा अवस्थित दलित वस्ति पहिरोको उच्च जोखिमा रहेको र केही परिवार पहिरोको कारण बिस्तापित भएका कारण वस्ती स्थानान्तरण गरी सुरक्षित आवास निर्माण गर्न “द निर्भीक फाउण्डेशन”ले सुरक्षित ठाउँमा आवास निर्माणको काम सुरु गरेको छ ।

आफ्नो ठाउँमा रहेको जोखिम वस्तीलाई स्थानान्तरण गरी सुरक्षित ठाउँमा घर बनाई मानव जीवन रक्षार्थ सुरु गरिएको अभियानलाई आफुले सहयोग गरेर गरीब दुखीले राम्रो बास पाउने र अकालमा ज्यान गुमाउन नपारोस भन्ने उद्देश्यले सहयोग गरेको समाजसेवी न्यौपानेले बताउनु भयो ।  उहाँले आफुले यसरी सहयोग गर्न पाउदा आफुलाई खुसी लागेको समेत बताउनु भयो । 

हरेक जन्मदिनमा आफुले यसरी नै आपत वितप र दुखमा रहेकालाई सहयोग गरेर जन्मदिन मनाउने गरेको न्यौपानेले बताउनुभयो ।  पर्वतको पैयूँ गाउँपालिका वडा नम्बर ४ सौरीकोट घर भएका न्यौपाने हाल त्रिभुवन विश्वविद्यालय काठमाण्डौमा एमएससी पढ्दै हुनुहुन्छ । सकारात्मक सोचका धनी न्यौपानेले पढ्न जादा खाजा खाने रकमबाट केही रकम बचत गरेर सहयोग गर्नु भएको हो । सानै उमेर देखी समाजिक काममा सक्रिय रहनुभएका उहाँ सिर्जनशिल युवा समाज पैयू ४ को  सह सचिव समेत हुनुहुन्छ । 

“द निर्भीक फाउण्डेशन”ले १५ वटा घर निर्माण गर्ने जनाएको छ । मानव जीवन रक्षार्थ सहयोग गर्न चाहानुहुने सहयोगीदाताहरुले गरीमा विकास बैंक वालिङ शाखामा रहेको फाउन्डेशनको निम्न खातामा सहयोग रकम पठाई सहयोग गरिदिनु हुन फाउन्डेशले अनुरोध गरेको छ ।  

खाता नम्बर 

AC Name : The Nirbhik Foundation

Bank Name : Garima Bikas Bank Waling Branch

AC No : 00100100855183000001