पैयुँ गाउँपालिका वडा नम्बर ५ भुर्तेलथोक आरुगैह्रामा अवस्थित दलित वस्ति पहिरोको उच्च जोखिमा रहेको र केही परिवार पहिरोको कारण बिस्तापित भएर वस्ती नै स्थानान्तरण गरी सुरक्षित आवास निर्माण गर्न “द निर्भीक फाउण्डेसन” ले सुरक्षित ठाउँमा आवास निर्माणको काम गरिरहेको छ ।

 

आफ्नो ठाउमा रहेको जोखिम वस्तीलाई स्थानान्तरण गरी सुरक्षित ठाउँमा घर बनाउन सुरु गरिएको अभियानलाई विशाल न्यौपानेको पहलमा लालि गुरास सेवा समाजको कल्याणकारी कोषबाट १० हजार रुपैयाँ, समाजका सदस्यहरु विशाल न्यौपानेले ५ हजार ५ सय ५५ रुपैयाँ, शिव भुर्तेलले ५ हजार रुपैयाँ, राजिव श्रेष्ठले ३ हजार रुपैयाँ र लिलाधर पाण्डेले २ हजार रुपैयाँ गरी २५ हजार ५ सय ५५ रुपैयाँ सहयोग गर्नु भएको हो ।  

गरीब दुखीले राम्रो बास पाउने र अकालमा ज्यान गुमाउन नपारोस भन्ने उद्देश्यले सहयोग गरेको समाजले जनाएको छ ।“द निर्भीक फाउण्डेशन”ले १५ वटा घर निर्माण गर्ने जनाएको छ । मानव जीवन रक्षार्थ सहयोग गर्न चाहानुहुने सहयोगीदाताहरुले गरीमा विकास बैंक वालिङ शाखामा रहेको फाउन्डेशनको निम्न खातामा सहयोग रकम पठाई सहयोग गरिदिनु हुन फाउन्डेशले अनुरोध गरेको छ ।