फागुन ७। पैयूँ । बिहादीका दिपक पराजुली र उनकी श्रीमती सुस्मा पराजुली नागरिकता बनाउन ईलाका प्रशासन कार्यालय हुवास पैयूँमा आए । तर प्रशासनमाकार्यालय प्रमुख नहुदा उनिहरुले नागरिकता बनाउन पाएनन।
उनिहरु यसरी कार्यालय आउन र फोन गर्न थालेको ५/७ दिन भयो ।दिपक र सुस्मा जस्तै दक्षिण पर्वतका २०/३० जना नागरिक दैनिक ईलाका प्रशासन कार्यालय आउने र फर्कने गरेका छन ।
इलाका प्रशासन प्रमुख रिवन्द्र पौडेलको सुरुवा भए पछि पौष २६ गते देखी कार्यालय प्रमुख बिहिन छ । जसको कारण नागरिकले नागरिकता, पासपोर्ट लगायतका काम गर्न पाएका छैनन।
दक्षिण पर्वतका तिन पालिका पैयूँ, महाशिला र बिहादी गाउँपालिकाका नागरिकको सेवा सुविधाको लागि पैयूँ गाउँपालिका वडा नम्बर-४, हातेमालो चोकमा रहेको इलाका प्रशासन कार्यलय हुवासमा कार्यालय प्रमुख नहुदा समस्या परेको हो ।
दैनिक २०/३० जना नागरिक कार्यालय आउने उनिहरुलाई फर्काउन बाध्य भएको कार्यालयका कर्मचारी (नासु) लिला बल्लौ काफ्लेले बताए ।तत्काल नागरिकता चाहिने नागरिक कुश्मा जाने गरेको उनले जानकारी दिए ।
एक महिना देखी कार्यालय प्रमुख नहुदा नागरिकले दुख पाएको बारे प्रमुख जिल्ला अधिकारीलाई सोध्दा गृह मन्त्रालयले कर्मचारी नपठाउदा दुख भएको बताए ।
