बैशाख २,   पैयूँ ।  पैयूँको जोखिम वस्ती स्थानान्तरणको लागि २७ महिनाका बालक  सुजन न्यौपानेले जन्मदिनको अवसरमा आर्थिक सहयोग  प्रदान गर्नु भएको छ ।  न्याौपानेले   जन्मोत्सवको अवसरमा पर्वतको पैयूँ गाउँपालिका वडा नम्बर ५ मा रहेको जोखिम वस्ती स्थानान्तरण गरी सुरक्षित आवास निर्माणको लागि आर्थिक सहयोग गर्नु भएको हो ।

उहाँले जोखिम वस्ती स्थानान्तरण गरी सुरक्षित आवास निर्माणको लागि द निर्भीक फाउण्डेशनलाई दश  हजार  (१००००/-) रुपैयाँ आर्थिक सहयोग गर्नु भएको हो ।

पैयूँ  गाउँपालिका वडा नम्बर ५ भुर्तेलथोक आरुगैह्रामा अवस्थित दलित वस्ति पहिरोको उच्च जोखिमा रहेको र केही परिवार पहिरोको कारण बिस्तापित भएका कारण वस्ती स्थानान्तरण गरी सुरक्षित आवास निर्माण गर्न “द निर्भीक फाउण्डेशन”ले सुरक्षित ठाउँमा आवास निर्माणको काम सुरु गरेको छ । 

पैयूँ ५ अम्बट घर भएका बुबा नविन न्यौपाने र आमा सिता काफ्ले न्यौपानेका २७ महिनाका छोरा सुजन न्यौपानेले आर्थिक सहयोग गर्नु भएको हो । 

छोराको जन्म दिनमा  आफ्नो गाउँमा  रहेको जोखिम वस्तीलाई स्थानान्तरण गरी सुरक्षित ठाउँमा घर बनाई मानव जीवन रक्षार्थ सुरु गरिएको अभियानलाई   सहयोग गरेर गरीब दुखीले राम्रो बास पाउने र अकालमा ज्यान गुमाउन नपारोस भन्ने उद्देश्यले सहयोग गरेको आमा सिता काफ्लेले बताउनु भयो ।

द निर्भीक फाउण्डेशन”ले १५ वटा घर निर्माण गर्ने जनाएको छ । मानव जीवन रक्षार्थ सहयोग गर्न चाहानुहुने सहयोगीदाताहरुले गरीमा विकास बैंक वालिङ शाखामा रहेको फाउन्डेशनको निम्न खातामा सहयोग रकम पठाई सहयोग गरिदिनु हुन फाउन्डेशले अनुरोध गरेको छ ।  
खाता नम्बर 


AC Name : The Nirbhik Foundation
Bank Name : Garima Bikas Bank Waling Branch
AC No : 00100100855183000001