काठमाडौ,४ जेष्ठ ।
स्याङजामा अक्सिजन प्लान्ट बन्ने भएको छ ।
१ करोड ५० लाख रुपैयाँ लागतमा प्लान्ट निर्माण गर्न अर्थ मन्त्रालयबाट स्वीकृत भएको हो । पशुपंक्षि तथा कृषि विकास मन्त्री पद्मा कुमारी अर्यालको पहलमा अक्सिजन प्लान्ट निर्माण हुने भएको हो ।
अहिले स्याङ्जामा दैनिक रूपमा पोखराबाट अक्सिजन सिलिन्डर भरेर ल्याउनुपर्ने बाध्यता छ । सोही बाध्यतालाई मध्यनजर गर्दै मन्त्री अर्यालले अर्थ र स्वास्थ्य मन्त्रालयमा पत्र पठाउनु भएको थियो ।
मन्त्री अर्यालले पत्र पठाएको केही दिनमा नै अर्थ मन्त्रालयले स्याङ्जामा अक्सिजन प्लान्ट निर्माण गर्न मंगलबार स्विकृत गरेको हो । प्लान्ट निर्माण गर्नको लागि अर्थ मन्त्रालयबाट स्विकृत भएको बताउदै मन्त्री अर्यालले १ महिना भित्रमा सम्पन्न हुने गरी काम अगाडी बढ्ने बताउनु भयो । स्याङजामा अक्सिजन प्लान्ट निर्माण भए पछि सिलिण्डर भर्न पोखरा जानु पर्ने बाध्यता हट्ने छ । मन्त्री अर्यालले यस अघि पनि अक्सिजन र स्वास्थ्य सामाग्रीको अभाव हुन नदिने बताउनु भएको थियो ।
