महेन्द्र जिसी ।
भदौ ३, पर्वत ।पर्वतको जलजला गाउँपालिका-३ वारीबेनीमा सुख्खा पहिरोमा पुरिएर एक जनाको मृत्यु भएको छ भने २ जना घाइते भएका छन् । आज साँझ ५ः०० बजेतिर झरेको पहिरोले वारीबेनीमा रहेको रारा अटो मोवाइल्स र मर्मतका लागि ल्याइएको जिप पुरिएको प्रहरीले जनाएको छ ।
पहिरोले ग१ज ६६३२ नम्बरको जिप पुरिँदा उक्त जीपका चालक म्याग्दीको अन्नपूर्ण गाउँपालिका ४ का टेकमान गर्बुजा पुनको मृत्यु भएको जिल्ला प्रहरी कार्यालयका प्रहरी नायव उपरीक्षक शिवराज बुढाथोकीले जानकारी दिनुभयो ।
पहिरोमा दुई वटा सवारीसाधन पुरिएको पनि प्रहरी नायव उपरीक्षक बुढाथोकीले जानकारी दिनुभयो ।
पहिरोमा पुरिएका अटो वर्कसपका मिस्त्री राजु ठाकुर र नन्की खान घाइते भएका छन् । उनीहरूलाई उपचारका लागि म्याग्दी अस्पताल बेनीमा लगिएको छ ।
