कार्तिक ८,पैयूँ ।पर्वतको पैयुँ अपाङ्ग समाजले अपाङ्गता भएका नागरिकलाई वडा र पालिका कमिटीमा समावेसिताको माग गरेको छ । देशभर भैरहेको नेकपा एमालेको वडा र पालिकाको अधिवेशनमा मुलुकभरका ३० लाख अपांगता भएका नागरिकहरुको प्रतिनिधित्वको सवाल गम्भीररुपमा उठिरहेको समाजका अध्यक्ष डण्डमाणी तिवारीद्वारा हस्ताक्षरित माग पत्रमा उल्लेख गरिएको छ ।

राजनीतिमा समावेसिताको आवाजलाई प्रमुखताका साथ सम्वोधन गर्दै आएको नेकपा एमालेले अहिलेका विभिन्न तहका अधिवेशनहरुमा अपांगता भएका नागरिकहरुलाई पनि स्थान दिइरहेको छ भन्नेमा विश्वस्त रहेको उल्लेख गर्दै वडा कमिटिमा एक पुरुष र महिलाको समावेस गर्नुपर्ने पत्रद्वारा माग गरिएको छ । यसैगरी पालिकामा दइजना र सचिवालयमा दुइजनाको सुनिश्चितताको समेत पत्रमा उल्लेख गरिएको छ ।