मंसिर ८, वालिङ । स्याङ्जाको वालिङमा आगलागी भएको छ । वालिङ नगरपालिका वडा नम्बर ८ मोडमा रहेको गाउँवेशी डिपार्टमेन्टस्टोरमा बुधाबर राति आगलागी भएको हो । राति १ बजेको समयमा विद्युत सटभएर आगलागी भएको वडा प्रहरी कार्यालय वालिङले जनाएको छ ।
आगलागीबाट डिपार्टमेन्टस्टोरमा खाद्यन्न, फ्रिज, टिभी, लागएतका किराना सामान क्षति भएको गाउँवेशी डिपार्टमेन्टस्टोरका संचालक सुजन श्रेष्ठले बताउनु भयो ।
आगलागीबाट करिब के कति क्षति भयो भन्ने बारे थप अनुसन्धान भइरहेको प्रहरीले जनाएको छ ।
डिपार्टमेन्टस्टोरमा अचानक आगलागी भएपछि आगोलाई नियन्त्रणमा लिन वालिङ नगरपालिकाको दमकल मगाईएको थियो ।
