भदौ २६, पैयुँ । पर्वतको पैयुँमा बाढीले कलवर्ट बगाएको छ । बिहिबार राती परेको अविरल वर्षाका कारण मर्दिखोलामा आएको बाढीले पक्की कलवर्ट बगाएको हो ।
पैयुँ गाउँपालिका वडा नम्बर ४ हातेमालो चोक हुदै त्रिवेणी जाने मुख्य सडक खण्डमा पर्ने मर्दिखोलमा रहेको कलवर्ट बगाउदा पैयुँ र बिहादी गाउँपालिका नागरीकलाई आवत जावत गर्न समस्या हुने भएको छ ।
कलवर्ट बगाएको कारण नागरीकलाई आवत जावत गर्न गाह्रो भएको र गाउँपालिकासंग सहकार्य गरेर नागरीकलाई आवत जावत गर्न सक्ने गरी काम गर्न पहल भइरहेको पैयुँ गाउँपालिका वडा नम्बर ४ का वडा अध्यक्ष महेन्द्र श्रेष्ठले पैयुँ पोष्टलाई जानकारी दिनु भयो । साथै वडा ४ आरन टोल मा पनि ४ वटा घर समेत पहिरोले बगाएको वडा अध्यक्ष श्रेष्ठले जानकारी दिए ।
यो पनि पढ्नुहोस
अविरल वर्षाका कारण पैयुँमा सडक अवरुद्ध
तस्बिर : मिन प्रसाद न्यौपाने
