भदौ २७ ।
कोरोना भाइरस संक्रमित स्याङ्जाका एक जनाको मृत्यु भएको छ । स्याङ्जा पुतलिबजार नगरपालिका वडा नम्बर १ का ८५ वर्षीय पूरुषको उपचारको क्रममा पोखरामा मृत्यु भएको हो ।
पोखरा स्वास्थ्य विज्ञान प्रतिष्ठान,पश्चिमाञ्चल क्षेत्रीय अस्पताल कोभिड १९ उपचार केन्द्रमा उपचारको क्रममा सनिबार विहान ६ बजे मृत्यु भएको अस्पताले जनाएको छ ।उनको भदौ २४ गते कोरोना भाईरस संक्रमण पुष्टी भएको थियो । यो संगै कोरोनाका कारण स्याङ्जामा मृत्यु हुनेको संख्या ३ पुगेको छ ।
उपचारको क्रममा हेरचाह गर्न गएका उनको छोरालाई समेत भदौ २५ गते कोरोना संक्रमण पुष्टि भएको स्वास्थ्य कार्यालय स्याङ्जाका प्रमुख याम प्रसाद शर्माले जानकारी दिए । संक्रमित छोरालाई स्याङ्जाको भिरकोट नगरपालिकाको हेलु स्थित कालिका सामुदायिक अस्पतालको आइसोलेसनमा राखिएको शर्माले बताए ।
