पर्वत, मंसिर १६।  पर्वत जिल्लाको पैयूँ गाउँपालिका-४, हातेमालो चोकमा ९ फिट गहिरो, ९–९ फिट लम्बाइ र चौडाइको खाडलमा विशेष भू-तपस्या सुरु भएको छ। योगिनी सरिता माताको नेतृत्वमा यो दुर्लभ साधना ७ दिनसम्म निराहार रहँदै मंसिर २२ गते सम्पन्न हुने जनाइएको छ।

यो अद्वितीय भू-तपस्या ध्यान, प्रार्थना, र कठोर साधनाको माध्यमबाट मानसिक शान्ति, आत्मशुद्धि, र समाजसेवाको सन्देश प्रवाह गर्ने उद्देश्यले आयोजित गरिएको हो। खाडलभित्र बसेर योगिनी सरिता माताले संसारिक मोह-माया त्याग्दै आत्मज्ञान प्राप्त गर्ने यो साधना प्रारम्भ गर्नु भएको छ।