फागुन २३, स्याङ्जा । कोरोना भाइरसविरुद्धको खोप अभियान अन्तर्गत दोस्रो चरणको पहिलो दिन वालिङका ७ सय ४६ जना ज्येष्ठ नागरिकलाई खोप लगाइएको छ । जसमध्ये ४ सय २७ जना पूरुष र ३ सय १९ जना महिला रहेका छन ।
सरकारले ६५ वर्षमाथिका ज्येष्ठ नागरिकलाई फागुन २३ देखि कोरोना भाइरसविरुद्धको खोप ‘कोभिडशिल्ड’ लगाउन निर्देशन गरे अनुसार वालिङमा पनि खोप लगाइएको हो ।
खोप लगाउन नगरपालिका भर १७ खोप केन्द्र र ६० स्वास्थ्यकर्मीको टोली परिचालन गरिएको वालिङ नगरपालिकाका स्वास्थ्य शाखा प्रमुख कमल पाण्डेले जनाकारी दिनु भयो ।
खोप अभियान पूरा गर्न ३ दिन लाग्ने पाण्डेले बताउनु भयो ।
