वैशाख २८, पैयुँ । पैयुँ गाउँपालिका वडा नम्बर ४ का वडा अध्यक्ष महेन्द्र श्रेष्ठले आफु बसोबास गर्दै आएको घर आइसोलेशन बनाउन दिएका छन । श्रेष्ठले कोभिड १९ को विषम परिस्थितिमा नागरिकको स्वास्थ्यको ख्याल गर्दै आइसोलेशन बनाउनको लागि आफ्नो घर नै दिएका हुन ।
कोविड–१९ का बिरामी राख्नको लागि श्रेष्ठले घर निःशुल्क दिएको घोषणा गरेका छन । कोभिड १९ को विषम परिस्थितिमा नागरिकलाई राख्न कुनै समस्या नहोस भन्ने उद्देश्यले आफुले घर आइसोलेसन बनाउन दिने निर्णय गरेको श्रेष्ठले पिएनएन खबरलाई बताए ।
हातेमालो चोकमा रहेको १५ कोठाको दुई तले घरमा आइसोलेशन बनाउन हुवास स्वास्थ्य चौकि एवं गाउँपालिकालाई जिम्मा दिएको श्रेष्ठले जानकारी दिए ।
