असोज १३, पर्वत । पर्वतको पैयुँ गाउँपालिका पैयूँ गाउँपालिका स्वास्थ्य सेवा प्रवाहमा उत्कृष्ट भएको छ ।
गण्डकी प्रदेश स्वास्थ्य तथा जनसंख्या मन्त्रालय पोखराले गरेको वार्षिक समिक्षामा गण्डकी प्रदेशका गाउँपालिका मध्ये पैयूँ गाउँपालिका उत्कृष्ट भएको स्वास्थ्य तथा जनसंख्या मन्त्रालयले जनाएको छ ।
सरकारी स्वास्थ्य संस्थाहरुबाट हुने सेवा प्रवाह, कोभिड रोकथाम र उपचार, विभिन्न रोग विरुद्ध लगाइने खोप व्यवस्थापन लगायत सेवामा भएको सेवा प्रवाह, व्यवस्थापन, पारदर्शीता, औषधी उपचार, मातृशिशु स्वास्थ्य जस्ता सूचकहरुको आधारमा गरिएको मुल्यांकनमा पैयूँ गाउँपालिका उत्कृष्ट भएको हो ।
गाउँपालिका भित्रका सातै वटा वडाका स्वास्थ्यकर्मीहरु सहित सिंगो गाउँपालिकाको अथक प्रयासले पैयूँ गाउँपालिका स्वास्थ्य सेवा प्रवाहमा उत्कृष्ट हुन सफल भएको पैयूँ गाउँपालिकाका जन सम्पर्क अधिकृत मिन प्रसाद न्यौपानेले जानकारी दिनुभयो ।
