पर्वतको विहादी गाउँपालिकाले राष्ट्रपति रनिङ शिल्ड प्रतियोगिता सुरु गरेको छ । गाउँपालिकाले आयोजना गरेको राष्ट्रपति रनिङ शिल्ड प्रतियोगिताको शुक्रबार उद्घाटन भएको हो । समारोहको उद्घाटन गर्दै विहादी गाउँपालिाकाका उपाध्यक्ष मिना तिवारीले खेलका माध्यमबाट विद्यार्थीहरुमा अनुशासन,भाइचारा र स्वास्थ्यको ज्ञान र सीपको विकास गर्न सहयोग पुग्ने बताउनु भयो ।
उहाँले विहादी गाउँपालिकाले विद्यार्थीहरुमा गुणस्तरीय शिक्षासँगै खेलकुदको माध्यमबाट पालिका र समग्र देशकै नाम उच्च राख्न सक्ने प्रतिभा उत्पादन गर्न कुनै कसर बाँकी नराख्ने प्रतिवद्धता व्यक्त गर्नुभयो ।
राष्ट्रपति रनिङ शिल्ड प्रतियोगितामा ६ वटै वडाका वडा अध्यक्ष, विभिन्न राजनीतिक दलका प्रतिनिधि लगायतले कार्यक्रम सफलताको शुभकामना व्यक्त गर्नु भएको थियो भने प्रतियोगिताको संचालक गाउँपालिकाका शिक्षा अधिकृत दिनेश भुसालले गर्नु भएको थियो ।
